O Clúster asiste á Asemblea de socios de REDCAU celebrada en ISE Barcelona

Este mes de febreiro asistimos á Asemblea de socios de REDCAU (Rede Española de Clústeres Audiovisuales), celebrada no marco da feira ISE de Barcelona. A industria audiovisual española representada no salón tecnolóxico máis importante do sector para abordar os seus retos de futuro.

REDCAU é unha asociación fundada en 2021 que representa a todo o sector audiovisual español en toda a súa cadea de valor. Creouse co obxectivo de impulsar a cooperación nacional do sector audiovisual xerando alianzas e sinerxías que incrementen a competitividade das empresas do sector audiovisual español desde unha visión transversal da industria. Os clústeres audiovisuais pertencentes a REDCAU aglutinan a empresas de toda a cadea de valor do sector a audiovisual.

Integran esta Rede, ademais do Clúster Audiovisual Galego: o Clúster Audiovisual de Catalunya, o Clúster Audiovisual de Navarra (CLAVNA), o Clúster Audiovisual de Canarias, o Clúster Audiovisual de Aragón (CLADA), o Clúster Audiovisual de Madrid, o Clúster Audiovisual y de Contenidos Digitales de Andalucía (LAND) e o Clúster Audiovisual de la Comunidad Valenciana.