Cluster Audiovisual Galego

Noticias del Clúster

Empresas asociadas ao Clúster Audiovisual Galego asisten ao European Film Market en Berlín

Esta semana ten lugar un dos mercados máis importantes do sector audiovisual, a nivel mundial, o European Film Market que ten lugar na cidade de Berlín do 20 ao 27 de febreiro.
 
Entre as empresas galegas que viaxan estes días ata a cidade alemana, atópanse, xunto a un representante do Clúster, as socias: Ficción ProduccionesFilmaxMatriuska ProduccionesPortocaboVaca Films e CTV. A delegación galega conta cun espazo propio para o desenvolvemento de reunións de traballo e a difusión das súas producións dentro do pavillón oficial Cinema from Spain, situado no Martin-Gropius-Bau, coa colaboración da Xunta de Galicia, a través da Agadic e, promovido polo ICEX España Exportación e Inversións e, o Instituto da Cinematografía e das Artes Audiovisuais (ICAA).

Este ano a responsable de contidos da nosa socia Portocabo foi invitada pola Canary Islands Film para falar sobre ‘Rodar nas Illas Canarias: Casos de estudo’ baseándose na experiencia da serie Hierro, acompañada de Mally Chang, UPM en Canarias para 'The Witcher' de Netflix e para 'Eternals' de Marvel; Andreas Wentz, CEO & Executive Producer de SurfilmMarko Röhr, CEO de Matila Röhr Productions e produtor de 'The Peacemaker'Concha Díaz, de Tenerife Film Commission. Esta presentación forma parte da iniciativa do ICEX e do ICAA as conferencias 'Cinema From Spain presents …' que teñen lugar por primeira vez no European Film Market co obxectivo de abordar distintos aspectos do sector cinematográfico español e ensinar aos profesionais internacionais o noso talento e posibilidades.

No marco destas conferencias o director de internacional de Filmax, Iván Díaz participará na primeira destas conferencias: 'Coñece aos nosos axentes de vendas’ na que estará acompañado por:  Antonio Saura de Latido FilmsBeatriz Setuain de The Mediapro StudioGeorgina Casal de Film FactoryLuis Renart e Genoveva Ayala de Bendita Film Sales; e David Castellanos de Cinema Republic.

O Clúster Audiovisual Galego e o Agadic organizan un evento especial no marco do European Film Market

Clúster Audiovisual Galego e a Axencia Galega das Industrias Culturais (AGADIC) organizan, un ano máis, o evento Galician Film Industry at Berlinale un evento especial que terá lugar este luns 24, no Academie Lounge de Berlín, un local situado moi próximo ás sedes do mercado. Neste evento os representantes do audiovisual galego, entre eles un representante do Clúster e as nosas socias: PortocaboVaca FilmsMatriuska ProduccionesCTVFicción Producciones Filmax; ademais as empresas MiramemiraNumax DistribuciónAbano Producións, Big-RightsCósmica ProduciónsDel Álamo EstudioMaruxiña FilmsNoveolas ProduccionesOllovivo Producións, Sétima CinemaSun Lúa, e Zeitun Films.

Estes profesionais do audiovisual galego que asisten ao evento terán a gran oportunidade de intensificar as súas relacións con outros profesionais da industria a nivel internacional, ampliar as súas axendas de contactos e detectar potenciais clientes ou colaboradores.

Durante o encontro se proxetarán varios vídeos promocionais do audiovisual galego e distribuíranse entre os asistentes, a edición actual do Catálogo de Servizos ofrecidos polas empresas do Clúster, que interveñesn en toda a cadea de produción do sector.

Por parte do Clúster Audiovisual Galego, o encontro de Berlín trátase dunha acción realizada dentro do Programa Galicia Exporta Organismos Intermedios, co apoio financieiro do Instituto Galego de Promoción Económica (IGAPE), a Xunta de Galicia e a Unión Europea.

A industria audiovisual galega preséntase no European Film Market de Berlín cunha delegación de 17 empresas

Unha delegación institucional e empresarial galega viaxa xa cara a Berlín para participar no European Film Market, que arranca hoxe na capital alemá en paralelo á 70ª edición do seu prestixioso festival internacional de cinema. A Xunta de Galicia apoia esta misión comercial, da que forman parte 17 compañías produtoras e distribuidoras, ademais da Axencia Galega das Industrias Culturais (Agadic), o Cluster Audiovisual Galego (Clag) e a Asociación Galega de Produtoras Independentes (Agapi).

En concreto, desprázanse ata este mercado os representantes de Abano Producións, Big-Rights, Cósmica Producións, CTV, Del Álamo Estudio, Ficción Producciones, Maruxiña Films, Matriuska Producciones, Miramemira, Noveolas Producciones, Numax Distribución, Ollovivo Producións, Portocabo, Sétima Cinema, Sun Lúa, Vaca Films e Zeitun Films. Todas elas, así como as que participen noutras destacadas feiras e certames da industria audiovisual a nivel mundial, disporán en 2020 de dúas liñas específicas de subvencións para a asistencia a mercados e foros internacionais e para a promoción e difusión do audiovisual galego en festivais e mostras.

Novo catálogo promocional

As devanditas empresas chegan á cita berlinesa con cadansúa carteira de títulos tanto en proxecto como en fase de produción ou xa rematados. Moitos deles recóllense, ademais, na nova edición do catálogo promocional Films from Galicia, que inicia aquí a súa distribución internacional. Esta publicación anual da Xunta dá conta do bo momento que está a vivir o noso audiovisual, desta volta con información sobre 52 traballos, entre obras xa finalizadas e en proxecto, das que 32 contan con investimento do programa autonómico de axudas ao sector audiovisual.

Entre elas, atópase a produción de Zeitun Films Lúa vermella, o novo filme do realizador Lois Patiño, que se estrea mundialmente o sábado 22 dentro da sección Forum da Berlinale. Esta película, na que o director vigués regresa á Costa da Morte, que lle deu título á súa primeira e premiada longametraxe, será un dos focos principais do evento Galician Film Industry at Berlinale, que terá lugar na noite do luns 24 no Academie Lounge. Neste acto, organizado pola Agadic e o Clúster Audiovisual Galego, o audiovisual galego será o anfitrión de profesionais do sector de numerosos países.

Outro dos momentos con destacada presenza galega terá lugar na mañá do sábado dentro do ciclo de conferencias organizado polo ICEX España Importación e Inversiones e o Instituto de la Cinematografía y las Artes Audiovisuales (ICAA), durante o que Andrea Vázquez e Xavi Font, produtores do filme de Oliver Laxe O que arde, intervirán na sesión dedicada a casos de éxito no ámbito da coprodución nacional e internacional.

Ademais, e como en anos anteriores, as empresas galegas acreditadas no European Film Market contarán cun espazo propio para as súas xuntanzas de traballo e a difusión das súas producións dentro do pavillón de Cinema from Spain no recinto feiral do Martin-Gropius-Bau. A Agadic, xunto con outras entidades e organismos autonómicos, forma parte desta plataforma do ICEX e o ICAA, desde onde difunde tamén o catálogo Films from Galicia.

A Escola de Imaxe e Son de Vigo (EISV) inaugura a XXVI Edición dos Premios de Fotografía Profesional LUX

A inauguración da Exposición Fotográfica dos prestixiosos Premios LUX, tivo lugar esta mañá na sala EXPO da Escola de Imaxe e Son de Vigo (EISV) ao acto asistiron representantes da Escola de Imaxe e Son, e ademais contou en directo, con conexión desde Barcelona, coa participación de Eva Casado e José Ornia, Presidenta e Vicepresidente da Asociación de Fotógrafos Profesionales de España (AFP) entidade organizadora deste evento referente da fotografía profesional en España.

No ano 1992, a Asociación de Fotógrafos Profesionais, decidiu crear os primeiros premios de fotografía profesional de ámbito estatal para recoñecer e promocionar aos mellores fotógrafos profesionais especializados en Publicidade, Arquitectura, Bodegón, Industrial, Moda e Retrato. Nacían os Premios LUX.

Durante estas 26 edicións, os Premios LUX teñen mostrado a evolución da fotografía de encargo que ten visto marcado o seu camiño pola creatividade e a capacidade de innovación dos fotógrafos, nun período de profundos cambios sociais e tecnolóxicos.

A Escola de Imaxe e Son de Vigo (EISV) presenta nesta nova ocasión a mostra formada polas obras gañadoras dun LUX Oro, Plata e Bronce nas dez categorías profesionais así coma o Premio Junior da edición 2018 dos Premios LUX.

A Exposición terá lugar ata o 15 de marzo de 2020 en horario de 12:00 a 14:00 e de 16:00 a 20:00 hrs. na SALA EXPO da EISV na primeira planta, aberta a todolos públicos previa acreditación na recepción do Centro por Normativa Legal Educativa.


Cambios importantes na dirección de Diagonal TV e o Grupo Atresmedia

O Grupo Atresmedia sorprendeu este martes ao anunciar dous movementos importantes nas súas áreas de ficción e produción. Sonia Martínez vincúlase en exclusiva a Atresmedia Studios ampliando así a súa responsabilidade coma directora editorial da compañía. E Montse García ocupa o seu lugar como a nova directora de Ficción de Atresmedia TV.

Martínez deixa o seu cargo de directora de Ficción de Atresmedia TV, o cal ocupou desde o 2006 ata a actualidade.

Sonia Martínez -  nova directora editorial de Atresmedia Studios.

Para encher o seu vacío, Atresmedia fichou a Montse García, unha das figuras máis recoñecidas do sector, que se incorpora como directora de Ficción de Atresmedia TV.

García chega procedente de Diagonal TV, produtora de Endemol Shine Iberia, onde exercía como directora executiva. No seu lugar, o recoñecido director Jordi Frades, quen ocupaba o posto de Produtor Creativo e Director de Contido de Diagonal TV, foi nomeado por Endemol, o novo director executivo da produtora.


Montse García

Ao longo da súa carreira se ten especializado en ficción televisiva participando no desenvolvemento e produción de títulos como La señora (TVE), República (TVE), Isabel (TVE), Carlos Rey Emperador (TVE), Sin identidad (Antena 3), La Catedral del Mar (Antena 3), Matadero (Antena 3) e recentemente El nudo (Atresmedia).

Tamén intervíu na produción do filme La librería, dirixida por Isabel Coixet, Goya Mellor película 2018.

É tamén responsable do traspaso e a continuidade da serie Amar en tiempos revueltos (TVE); renovando e adecuando o formato para Atresmedia como Amar es para siempre.

García especializouse en Produción de televisión en Los Ángeles nos estudios de SPTI (Sony Pictures Television International) abarcando todalas áreas que conforman a produción audiovisual de ficción.

Ademais de Atresmedia e Diagonal TV, García pasou en España por compañías como Sony Pictures Television International, Globomedia Televisión e Boca-Boca Producciones.

Montse García -  nova directora de Ficción de Atresmedia TV.

«Su experiencia y capacidades profesionales impulsan sus objetivos de apoyar y crear nuevos proyectos y formatos, apostando por una línea clara de ficción comercial y de calidad vinculados a las diferentes opciones de emisión que existen hoy en día», destacaron desde Atresmedia.

Sonia Martínez e Montse García xa teñen traballado conxuntamente como responsables executivas dalgunhas das series de maior éxito dos últimos anos como Sin identidad, La Catedral del Mar o Matadero, entre outras.


Jordi Frades

Frades, un dos directores españois de ficción máis respetados, dirixiu a longametraxe La corona split (lanzado en 2016) xunto con series que teñen deixado a súa pegada na ficción televisiva en España como El nudo, Matadero ou dramas de época como La Señora, Isabel ou La Catedral del Mar.

Jordi Frades - novo director de Diagonal TV.

El CEO de Diagonal TV, Jaume Banacolocha, declarou: «Al agregar el exitoso historial de Frades como creador y director de series de ficción al equipo administrativo de la compañía, reforzamos nuestro compromiso con la creatividad nacional e internacional de Diagonal TV, donde ya estamos trabajando en la coproducción proyectos con otros territorios».

«Al mismo tiempo, mi agradecimiento a Montse García, que está dando un nuevo paso en su carrera fuera de la empresa y le deseamos todo el éxito que se merece,» agregou.

Diagonal TV ten consolidada a súa posición no sector audiovisual grazas ao éxito de producións televisivas como La República, La señora, Isabel ou Carlos, Rey Emperador (para TVE); ou Matadero, Amar es para siempre, La catedral del mar, Sin identidad e Bandolera (para Antena 3); así como as series catalás Si no t’hagués conegut, Ventdelplà, Kubala, Moreno i Manchón ou o telefilme L’enigma Verdaguer.

A compañía estrenou a súa primeira produción cinematográfica no 2007: Va a ser que nadie es perfecto, de Joaquín Oristrell, a cal obtivo o segundo posto na billeteira española ese ano. En 2016, La corona partida chegou á gran pantalla, enchendo o vacío nos acontecementos históricos contados poas series de ficción Isabel e Carlos, Rey Emperador. En 2017 chegou La librería de Isabel Coixet, gañadora dos premios Goya a Mellor película, Mellor dirección e Mellor guión adaptado.

Actualmente ao aire están El nudo en ATRESplayer Premium, e os dramas diarios Mercado Central en TVE e Amar es para siempre por Antena 3.

Ademais, ATRESplayer Premium está listo para estrear #LUIMELIA. Un proxecto moi esperado para os fanáticos de Amar, é un spin-off centrado na relación entre Luisita e Amelia nesta serie da tarde que ten sido líder no seu posto durante oito tempadas.



Filmax estreará “LA MALDICIÓN DEL GUAPO” o 8 de maio en cines

"LA MALDICIÓN DEL GUAPO", o novo filme do director arxentino Beda Docampo Feijóo (Amores locos, Francisco, el padre Jorge), unha elegante e pícara comedia de estafadores que protagonizan Gonzalo de Castro (La Torre de Suso, Superlópez) e o actor arxentino Juan Grandinetti (Despido Procedente, Pinamar) chegará aos cines o 8 de maio.

Completan o reparto un recoñecido grupo de actores: Malena Alterio (Perdiendo el Este, Vergüenza), Ginés García Millán (Regreso al horizonte, Matadero), Cayetana Guillén Cuervo (Una pistola en cada mano, El Ministerio del Tiempo), Carlos Hipólito (1898: Los últimos de Filipinas, Vivir sin permiso) e Andrea Duro (Los miércoles no existen, Pasaje al amanecer).

O guion está escrito polo propio Beda Docampo Feijóo, quen sinala que “LA MALDICIÓN DEL GUAPO" é unha comedia de trazo fino onde se tocan temas cos que calquera pode conectar: a paternidade e o egoísmo, a atracción do diñeiro fácil, as amizades peligrosas, a presión de ter éxito, as vocacións postergadas, as dificultades de atopar unha paixón amorosa e as tentacións dos desafíos que, en apariencia, teñen moito de improbable”.



"LA MALDICIÓN DEL GUAPO" é unha coprodución Hispano-Arxentina entre Arcadia Motion Pictures, Cados Producciones, Dammed Bello e Zarlek Producciones. Ademais, conta coa participación de RTVE, e a financiación do ICAA, Ministerio de Cultura.

Filmax será a responsable de distribuir a película que chegará aos cines de toda España o 8 de maio e de levar as vendas internacionais.



SINOPSIS

Humberto, un home seductor e estafador a partes iguais, leva unha vida tranquila en Madrid tras ter cumprido condea por unha antiga estafa que lle costou a relación co seu fillo Jorge co que non se fala desde fai anos. Agora Jorge é un home honrado que verase obrigado a pedir axuda a seu padre ao ser vítima dun roubo na xoiería na que traballa.

‘La maldición del guapo’ é unha elegante e pícara comedia de estafadores, onde ninguén parece ser quen realmente é”.


'LA UNIDAD', a nova serie de Vaca Films para Movistar+, estrearase en maio

Anunciada inicialmente en abril do ano pasado, a serie dirixida por Dani de la Torre e producida por Vaca Films se estrenará en maio.

Movistar+ anunciou este martes que La Unidad, a serie orixinal que prepara xunto a Dani de la Torre e Vaca Films, estrearase en maio.

La unidad é un thriller policíaco baseado nos testemuños inéditos de altos profesionais que loitan contra o terrorismo.

As gañadoras do Goya Nathalie Poza e Marian Álvarez, o gañador do Goya Luis Zahera e o actor arxentino Michel Noher lideran o reparto da serie.

Acompañanlles os intérpretes Raúl Fernández de Pablo, Carlos Blanco, Fele Martínez, Francesc Orella, Pepo Oliva e Alba Bersabé, xunto a un diverso casting internacional: Fariba Sheikhan, Amina Leony, Hamid Krim, Mourad Ouani, Mekki Kadiri, Moussa Echarif, Omar Bentaleb, Bouzan Hadawi, Said El Mouden e Tarik Rmili.

«Se mezclan dos mundos muy diferentes, nos adentraremos en dos culturas antagónicas que han tenido que convivir y entenderse durante siglos. Descubriremos a personajes únicos que nos llevarán de la mano en un viaje único, nunca antes mostrado en una serie», adelantó sobre a serie o director e creador Dani de la Torre.

Alberto Marini, creador xunto a Dani de la Torre e guionista xunto a Amelia Mora, afirma: «Nuestra intención ha sido ofrecer un retrato de 360 grados de quien está en la primera línea de la lucha antiterrorista, regresa a su casa cada día, y tiene que afrontar sus pequeños y grandes problemas cotidianos. Ha sido un trabajo de investigación que nos ha llevado dos años y, además de proporcionarnos material valioso para la serie, se ha revelado en una experiencia vital extremadamente enriquecedora».

Ademais de Madrid, Girona, Galicia, Málaga e Melilla, a súa rodaxe ten cruzado as fronteiras e inclúe localizacións internacionais coma Nixeria, Toulouse e Perpignan.

Terá seis episodios de 50 minutos.



SINOPSE

Cando unha das operacións lideradas por Carla, a xefa da Unidade da Investigación Policial contra o terrorismo yihadista, acaba coa detención do líder máis buscado do mundo, Salah Al Garheeb, o éxito transformase rápidamente nunha terrible ameaza: España convírtese no principal obxectivo dos seus seguidores, encabezados polo seu fillo, que non dudarían en inmolarse a cambio de conseguir os seus obxectivos.

Nunha situación de máximo perigo coma nunca se ten vivido, Carla terá que lidiar tamén cos seus conflitos personais. Entre eles, Marcos, o pai da súa filla, do que se está separando e un dos mellores axentes cos que pode ter contado la unidad. Xunto a eles, un equipo de policías, entregados á investigación máis importante das súas traxectorias e con conexións internacionais.

Uns dos profesionais necesariamente invisibles con misións descoñecidas para protexer a miles de persoas mentres intentan resolver unhas vidas privadas que o seu oficio, en parte, lles ten arrebatado.


II Concurso De Podcasts - Radio Na Biblio unha iniciativa da Consellería de Educación en colaboración coa Radio Galega

Tras a boa acollida da primeira edición, a Dirección Xeral de Centros e Recursos Humanos da Xunta de Galicia fixo pública este xoves, coincidindo co Día Mundial da Radio, a convocatoria do II Concurso de Podcasts - Radio na Biblio, que conta coa colaboración da Radio Galega e que está destinado aos centros públicos non universitarios integrados no programa Radio na Biblio. Tamén poderán participar outros centros de titularidade da Consellería de Educación que traballan coa radio como ferramenta pedagóxica.

Esta proposta está vinculada á celebración do Día das Letras Galegas, dedicado este ano ao filólogo e escritor Ricardo Carvalho Calero, polo que as temáticas dos podcasts, nas catro modalidades previstas (Infantil e 1º e 2º de Primaria, de 3º a 6º de Primaria, Secundaria e Bacharelato), deberán tratar sobre o patrimonio lingüístico galego ou estaren dedicados a estimular a lectura de dous dos xéneros presentes, entre outros, na obra deste autor: a poesía e/ou o teatro

O obxectivo desta iniciativa é a elaboración de produtos radiofónicos enfocados a salientar a riqueza do patrimonio lingüístico galego, especialmente vinculado ao medio xeográfico, cultural e humano máis próximo ao centro, así como estimular a lectura de poesía e teatro galegos. O prazo para a presentación dos traballos remata o 25 de abril.

O arquivo sonoro, que deberá ser presentado en formato mp3 ou wav, pode ser unha entrevista, unha cuña publicitaria, un noticiario, un faladoiro, un debate ou un programa radiofónico, sempre realizados en lingua galega. Os centros educativos poderán concursar enviando un máximo de tres podcasts, cunha duración mínima de tres minutos e máxima de cinco. 

Os centros seleccionados nas distintas modalidades recibirán unha asignación extraordinaria de 1.000 € para melloras no laboratorio ou emisora de radio ou para actividades relacionadas co seu funcionamento. Así mesmo, poderán visitar as instalacións da Radio Galega, que, ademais, emitirá os traballos premiados. Á súa vez, serán difundidos a través da páxina web da emisora pública, da canle dixital do ‘Diario Cultural’ e dos medios web da Consellería de Educación, Universidade e Formación Profesional. Ademais, realizaranse entrevistas aos gañadores na programación especial da RG con motivo do Día das Letras Galegas.

Máis información no Portal da Consellería de Educación, Universidade e Formación Profesional

Primeiras imaxes de "SENTIMENTAL", a nova comedia de Cesc Gay

Filmax estrenará en cines a nova película de Cesc Gay, SENTIMENTAL, protagonizada por Javier CámaraGriselda Siciliani, Belén Cuesta e Alberto San Juan. Estas son as primeiras imaxes da nova longametraxe SENTIMENTAL, unha comedia escrita e dirixida polo mesmo Cesc Gay.

O filme, que se empezou a rodar o pasado 9 de decembro en Barcelona, é unha coprodución de Imposible Films con Sentimentalfilm AIE, conta coa participación de RTVE, Movistar+ e TVC, e chegará aos cines este ano da man de Filmax.

Despois do éxito de Truman, premiada con 5 Goyas, Cesc Gay, un dos autores máis recoñecidos do noso cine, lánzase á comedia contando con algúns dos seus actores habituais como Javier Cámara, co que traballa por cuarta vez (TrumanUna pistola en cada manoFicción), e Alberto San Juan, ao que xa tiña dirixido en Una pistola en cada mano (2012). Os personaxes femininos están interpretados por Belén Cuesta, que traballa por primeira vez co director catalán, e Griselda Siciliani, rostro habitual do cine e a televisión arxentina, que debuta nunha produción española.


Sinopse:
 
Julio e Ana fai máis de quince anos que son parella. Unha parella que xa non se mira nin se toca e que fai do combate diario o lenguaxe e a esencia da súa relación.
Esta noite Ana invitou aos seus veciños Salva e Laura. Unha parella máis xove ca eles e que desde o primeiro día lles acolleu con moita amabilidade e simpatía. Aínda que os seus “ruidos” se convertiran nunha molestia para Julio e Ana...ou quizais nun estímulo. 
Esta noite os veciños serán os causantes e as víctimas dun tsunami cunha inusual e sorprendente proposta. Os catro non poderán evitar unha velada excesiva e catártica.



SENTIMENTAL é a adaptación cinematográfica de Los vecinos de arriba, a obra teatral debut de Cesc Gay estrenada en 2015 en Barcelona e que desde entón segue conquistando os escenarios internacionais. A obra estrenouse en teatros de Arxentina, Chile, Portugal, Colombia e México acumulando xa máis de medio millón de espectadores en todo o mundo.

'Lúa Vermella', de Lois Patiño, estréase na Berlinale

O director Lois Patiño presenta a súa segunda longametraxe, Lúa Vermella, na 70ª edición do Festival Internacional de Cinema de Berlín (Berlinale), dentro da sección Forum. A mostra terá lugar de 20 de febreiro a 1 de marzo, na primeira visita do director e da produtora coruñesa Zeitun Films ao festival.

Lúa Vermella será unhas das 28 estreas mundiais que inclúe o programa do Forum. Este ano a tradición será "de particular importancia", declaran desde a organización, pois a sección independente, a cargo do Instituto Arsenal de Cinema e Videoarte, celebra o 50 aniversario.

A segunda longametraxe de Patiño chega tras a celebrada opera prima Costa da Morte (2013), na que o director xa traballara con Zeitum, que neste caso une forzas coa produtora Amanita Studio. A rodaxe transcorreu entre a comarca de Lemos e a Costa da Morte. O filme, antes titulado Tempo Vertical, foi subvencionado pola Agadic. 

No 50 aniversario da sección Forum
A Berlinale do 2020 vén marcada por novas caras no comité de selección do Forum, con Cristina Nord á cabeza. A reflexión sobre o propio medio fílmico conforma o fío da escolma. El tango del viudo y su espejo deformante, de Raúl Ruiz e Valeria Sarmiento, abrirá unha sección na que Patiño partillará espazo con directoras como Clarissa Thieme, Radu Jude ou Jonathan Perel.