A segunda tempada de “Clanes” (Vaca Films) estrearase o 3 de abril en Netflix

Netflix desvelou a data da estrea da segunda tempada de “Clanes”, a serie de éxito producida pola nosa asociada Vaca Films e protagonizada por Clara Lago e Tamar Novas, que se estreará o próximo 3 de abril.

Luis Zahera (Animal, As bestas) únese aos novos episodios da serie que protagonizan de novo Clara Lago (Ocho apellidos vascos, El vecino) e Tamar Novas (Rondallas, El desorden que dejas). Completan o reparto Xosé Antonio Touriñán (Cuñados), Melania Cruz (Melancolía), Miguel de Lira (Cuñados), María Pujalte (Los misterios de Laura), Chechu Salgado (Las leyes de la frontera) e Diego Anido (La infiltrada) entre outros.

A primeira tempada de “Clanes” foi a serie de fala non inglesa máis vista en Netflix durante a súa semana de estrea, conseguindo situarse como número 1 en 28 países e alcanzando o Top 10  en 82 países.

Estes novos episodios están escritos por Jorge Guerricaechevarría e dirixidos por Marc Vigil e Javier Rodríguez.

Sinopse

Pasaron 3 anos e moitas cousas cambiaron. A pesar dos seus esforzos por deixar atrás o pasado, Ana e Daniel volverán verse envolvidos no mundo do narcotráfico, e esta vez en bandos opostos. Mentres Daniel, acepta saír ao mar por última vez para axudar ao seu pai, Ana deberá volver a Cambados e traballar co Clan inimigo dos Padín. Ana aceptará aínda que é consciente de que isto pode supoñer o final dos Padín e tamén, probablemente, o final da súa relación con Daniel.