Nova área persoal de Autoestradas do Atlántico: unha experiencia dixital deseñada por duacode

A nosa asociada duacode encargouse de redeseñar a área persoal para clientes de Autoestradas do Atlántico (Audasa). O resultado foi algo con verdadeiro impacto: unha ferramenta útil, eficiente e centrada nas persoas que a usan a diario.

A proposta era ambiciosa: unificar distintas ferramentas de xestión nunha única plataforma, accesible tanto para os clientes como para os equipos internos. E non só iso: tiña que ser intuitiva, moderna, segura e preparada para escalar coas distintas marcas do grupo.

O resultado é unha nova área persoal cun deseño completamente renovado e centrado en mellorar a usabilidade. A plataforma ofrece na actualidade numerosas funcionalidades, cun deseño limpo, moderno e coherente coa identidade dixital da compañía buscando sempre a optimización do seu rendemento.

Este proxecto non só mellora a experiencia dos usuarios externos. Tamén supuxo unha optimización do traballo interno: agora os operadores do servizo de atención ao cliente contan cunha ferramenta máis clara, eficiente e fácil de manter.

En definitiva, trátase dunha solución que beneficia a todos os perfís de usuario, reduce incidencias e achega valor desde o primeiro clic.